ကျွန်ုပ်တို့၏ဘုရားကျောင်းမှ ဘိုးဘွားရိပ်သာတစ်ခုသို့ ဧဝံဂေလိအစီအစဥ်ဖြင့် သွားရောက်ခဲ့စဉ်၊ သက်ကြွယ်အဖိုးအိုတစ်ဦးက သူ၏သမီးသည် လွန်ခဲ့သည့်နှစ် အတန်ကြာက သူ့ကို လူသွားစင်္ကြံ၌ထားခဲ့ကြောင်း ပြောပြခဲ့သည်။ အက်ဒ်(Ed) သည် ဘီးတပ်ကုလားထိုင်တွင် နေရသူဖြစ်သောကြောင့် သူမနောက်သို့ ပြေးမလိုက် နိုင်ပေ။ သူမလည်း နောက်လှည့်မကြည့်ဘဲ ကားပေါ်ပြန်တက်ကာ မောင်းထွက်သွားခဲ့သည်။ “ကျွန်မတို့ ဟိုတယ်ကောင်းကောင်းကို သွားကြမယ်”ဟု သူမ ပြောခဲ့သော်လည်း၊ ထိုနေ့မှာ သူမကို နောက်ဆုံးတွေ့ခဲ့သည့်နေ့ပင်။
မိဘဘိုးဘွားများကို ပြုစုစောင့်ရှောက်သည့် မေတ္တာနှင့်ပြည့်သော မိသားစုများနှင့် အလွန်ကွာခြားသည့် ဤအဖြစ်အပျက်ကြောင့် အက်ဒ်မှာ စိတ်ဒဏ်ရာ ရခဲ့ပြီး၊ ၎င်းနေ့နှင့်ပတ်သက်၍ အိပ်မက်ဆိုးကို ခံစားနေရဆဲဖြစ်သည်။
ရှေးရာစုနှစ်များစွာက ယောသပ်ဆိုသောလူငယ်တစ်ဦးကို သူ့အစ်ကိုများက ရေတွင်းထဲပစ်ချပြီး၊ အီဂျစ်ပြည်သို့သွားသောကုန်သည်များထံ ရောင်းစားခဲ့ခြင်းကြောင့် သူစိတ်ဒဏ်ရာရခဲ့သည်(က ၃၇:၁၂-၃၆)။ သို့သော် “ထာဝရဘုရားသည် ယောသပ်ဘက်၌ရှိတော်မူသဖြင့်”(၃၉:၂)၊ယောသပ်သည် သူ မကျွမ်းသောပြည်၌ သူ၏သခင်အိမ်နှင့်(:၇-၁၀)၊ ထောင်ထဲတွင်ပါ ဘုရား၏အမြင်၌ မှန်သောအရာကို ရဲရဲဝံ့ဝံ့…
ပီဒြို (Pedro)သည် အသက် ၅၀ အရွယ်တွင် ခရစ်တော်၏နောက်လိုက်တစ်ဦးဖြစ်လာခဲ့သည်။ သူသည် ဒေါသကြီးသော၊ အငြိုးကြီးသောသူတစ်ဦးဖြစ်ပြီး သူ့အနီးနားရှိ လူများကို နာကျင်စေခဲ့သည်။ သူ၏အသင်းတော်မှ နှစ်သိမ့်ဆွေးနွေးမှုကို ခံယူခဲ့ပြီးနောက်၊ သူသည် သူ၏အတိတ်နှင့်ပတ်သက်၍ နောင်တကြီးစွာ ရခဲ့သည်။ “အတိတ်ထက် အခုငါအသက်ရှင်ဖို့ ရှေ့မှာ နှစ်အနည်းငယ်ပဲ ကျန်တော့တယ်။ အဲ့ဒီနှစ်တွေကို ငါကောင်းကောင်းအသက်ရှင်ချင်တယ်။ ဒါပေမဲ့ ဘယ်လိုအသက်ရှင်ရမလဲ ”ဟု ဆိုသည်။
ပီဒြိုသည် မထင်မှတ်သော အရင်းအမြစ်တစ်ခုဖြစ်သည့် သမ္မာကျမ်းစာမှ မျိုးရိုးစဥ်ဆက်ဇယားတစ်ခု၌ အဖြေကို ရှာတွေ့ခဲ့သည်။ သူသည် မောရှေရေးသားသော အာဒံမှဆင်းသက်လာသည့် မျိုးရိုးစဥ်ဆက် စာရင်းတွင် “နာမည်၊ အသက်နှင့် သေဆုံးသောနှစ်”ဟူသည့်ပုံစံဖြင့် ထပ်တလဲလဲ မှတ်တမ်းတင်ထားသည်ကို သတိပြုမိသည် (က ၅:၈၊ ၁၁၊ ၁၄၊ ၁၇၊ ၂၀၊ ၂၇၊ ၃၁)။ သို့သော် လူတစ်ယောက်အကြောင်းကိုမူ ထူးခြားစွာ ဖော်ပြထားသည်။
ဧနောက်ကို…
အီလက်ထရွန်းနစ်ကုမ္ပဏီတစ်ခု၏ပိုင်ရှင် အန်ဒရက်စ်(Andres)သည် အရောင်းမှတ်တမ်းကောင်းများ ရရှိထားသော ဝန်ထမ်းများအား ကမ်းခြေအပန်းဖြေစခန်းသို့ နေ့ချင်းပြန်ခရီးစီစဉ်ပေးသည်။ သူသည် သူ၏ ၇ နှစ်အရွယ် သားဖြစ်သူ ဂျင်မီကိုလည်း ခေါ်ဆောင်သွားခဲ့သည်။ ခရီးမစမီ မော်တော်ယာဉ်ပေါ်သို့ တက်ကြစဉ် ဂျင်မီသည် ဖခင်၏လက်ကို စိတ်လှုပ်ရှားစွာ ဆုပ်ကိုင်ထားသည်။ “မင်း ငါတို့နဲ့လိုက်မှာလား။ မင်းရဲ့ရောင်းအား ဘယ်လောက်ရှိလဲ”ဟု ဝန်ထမ်း တစ်ဦးက ဂျင်မီကို နောက်ပြောင်ပြီးမေးရာ၊ ဂျင်မီက သူ့ဖခင်ကို မေးထိုးပြလိုက်ပြီး “မရှိဘူး။ အဖေက သားကို လိုက်ခွင့်ပေးတာ”ဟု ပြန်ဖြေခဲ့သည်။
သူ့အဖေက သူ့အတွက် ခရီးစရိတ်ကို ပေးခြင်းကြောင့် ခရီးစဉ်တွင် ပါဝင်ခွင့်ရရန် ဂျင်မီအလုပ်လုပ်ရန် မလိုပါ။ သခင်ယေရှုကို ယုံကြည်သူများအနေဖြင့် ကောင်းကင်ဘုံ၌ ကျွန်ုပ်တို့ပါဝင်နိုင်ခြင်းမှာ မိမိ၏ကောင်းမှုကုသိုလ်များ အပေါ် ကျွန်ုပ်တို့ အမှီပြုခြင်းကြောင့် မဟုတ်ပါ။ ကျွန်ုပ်တို့ကိုယ်စား သခင်ယေရှု၏ အသေခံခြင်းနှင့် ရှင်ပြန်ထမြောက်ခြင်းကြောင့် ကျွန်ုပ်တို့ ဝင်ခွင့်ရရှိခြင်းဖြစ်သည်။…
ကျွန်မ၏တူမနှစ်ယောက် ငယ်စဥ်က ညစာစားပြီးချိန်တွင် သူတို့နှင့်ဆော့ကစားရန် စကားချိုချိုဖြင့် ပြောလေ့ရှိသည်။ အိမ်ရှိ မီးများကို အကုန်ပိတ်ပြီး၊ အမှောင်ထဲ လျှောက်သွားကာ တစ်ယောက်ကိုတစ်ယောက် ပွေ့ဖက်ရယ်မောခဲ့ကြသည်။ မီးကို အချိန်မရွေးဖွင့်နိုင်မှန်းသိလျက်၊ အမှောင်ထဲ၌ လျှောက်သွားကာ သူတို့ကိုယ်သူတို့ ခြောက်လန့်ရခြင်းကို ပျော်မွေ့ခဲ့ကြသည်။
တမန်တော်ယောဟန်က ၁ ယော ၁:၆ တွင် အပြစ်ကို “မှောင်မိုက်”ဟု ရည်ညွှန်းထားပြီး၊ ထိုမှောင်မိုက်၌ လျှောက်လှမ်းရန် ရွေးချယ်ခြင်းအကြောင်းကို ကနဦး သခင်ယေရှုအား ယုံကြည်သူများထံသို့ ပေးစာတွင် ပြောဆိုခဲ့သည်။ မှောင်မိုက်ထဲ၌ ကျင်လည်ခြင်းသည် တခဏတာ သတိလစ်သွားခြင်းမဟုတ်ဘဲ၊ အမှားများကို ဆက်လက် ထိတွေ့လုပ်ဆောင်ရန် ရွေးချယ်မှုတစ်ခုဖြစ်သည်။ ယောဟန်က သန့်ရှင်းသောဘုရားသခင်သည် “အလင်း”ဖြစ်ပြီး “ဘုရားသခင်၌ မှောင်မိုက်အလျှင်းမရှိ”ကြောင်း သတိပေးထားသည် (:၅)။ ထို့ကြောင့် ကျွန်ုပ်တို့သည် ကိုယ်တော်နှင့် ဆက်ဆံရေးရှိသည်ဟု ဆိုသော်လည်း၊ အပြစ်၌ ဆက်လက်၍ ကျင်လည်နေပါက “သစ္စာတရားကို…
မနီလာမြို့ရှိ ဒန်တီ(Dante)၏ အိမ်အနီးဝန်းကျင်တစ်ဝိုက်တွင် မိုးကြီးပြီး ရေကြီး ရေလျှံလေ့ရှိသည်။ မိုးရွာသောနေ့များတွင် ကလေးများသည် အိမ်နီးချင်းတစ်ဦး၏ လမ်းညွှန်ကူညီမှုဖြင့် ယာယီသစ်သားတံတားကို ဖြတ်ကျော်ပြီး၊ ကျောင်းသွားကြရသည်။ “မစ္စတာသောမတ်စ်ဟာ ပတ်ဝန်းကျင်အနီးအနားက လူတွေကို အကူအညီပေးတယ်။ ကျွန်တော့်ကိုလည်း တံတားပေါ်မှာ လမ်းညွှန်ကူညီပေးခဲ့သလို မိုးရေမစိုအောင်လည်း ကာကွယ်ပေးခဲ့ပါတယ်”ဟု ဒန်တီက ပြောသည်။
နှစ်များကြာပြီးနောက်၊ ဒန်တီသည် မနီလာမြို့မြောက်ဘက်ရှိ အသင်းတော် တစ်ပါး၌ ပါဝင်ခဲ့ပြီး၊ ကျမ်းစာလေ့လာခြင်းအဖွဲ့ခေါင်းဆောင် လီယိုက သူလိုအပ်သော အကြံဉာဏ်ကောင်းများပေးခဲ့သည်။ ငယ်ဘဝအကြောင်းများကို သူတို့အချင်းချင်း အပြန်အလှန်ပြောဆိုကြရင်း လီယို မှာ မစ္စတာသောမတ်စ်၏သားဖြစ်မှန်း ဒန်တီသိခဲ့ရသည်။ ဒန်တီက “ဒီလောက် တိုက်ဆိုင်တာမျိုး မရှိနိုင်တော့ဘူး။ လေးစားဖွယ်ကောင်းပြီး ကျွန်တော့်ကို ကူညီပေးခဲ့သူရဲ့သားဟာ အခုလည်း ကျွန်တော်ရဲ့ ဝိညာဉ်ရေးရာ ယုံကြည်ခြင်းနဲ့ပတ်သက်ပြီး အကူအညီပေးဖို့ ဘုရားအသုံးပြုခဲ့တယ်”ဟု ပြောခဲ့သည်။
ရှုနင်မြို့မှ အမျိုးသမီးတစ်ဦးသည်လည်း ဘုရား၏ပံ့ပိုးဖြည့်ဆည်းပေးမှုကို ထိုကဲ့သို့ပင် တွေ့ကြုံခံစားခဲ့ရသည်။ သူမသည်…
ခင်ပွန်းဖြစ်သူကွယ်လွန်သွားခြင်းက နိုရာအတွက် အပြောင်းအလဲကာလကို စတင်စေခဲ့သည်။ ခင်ပွန်း၏ကွန်ပြူတာပစ္စည်းလုပ်ငန်းကို ဆက်လက် ဦးစီးခဲ့ပြီး သူတို့၏ကလေးသုံးဦးကို သူမတစ်ဦးတည်း ပြုစုစောင့်ရှောက်ခဲ့သည်။ “အားယူ၍ ခိုင်ခံ့ပါ” ဟု မိတ်ဆွေများက သူမကို မကြာခဏ ပြောကြသည်။ သို့သော် ယင်းကဘာကိုဆိုလိုသနည်း။ မိမိ၏တာဝန်များကို ပျက်ကွက်ခြင်း မရှိဘဲ ထမ်းဆောင်ရမည်ဟုဆိုလိုပါသလားဟု သူမတွေးမိသည်။
ဣသရေလလူတို့၏ အပြောင်းအလဲကာလတွင် ဘုရားသခင်သည် ဩသံယေလအား ကြီးမားသောတာဝန်များကို အပ်နှင်းခဲ့သည်။ ရုပ်တုကိုးကွယ်မှု အတွက် ဒဏ်ခတ်ဆုံးမသည့်အနေဖြင့် ဘုရား သခင်သည် ဣသရေလပြည်အား မေသောပေါတာမိရှင်ဘုရင် ခုရှံရှသိမ်၏လက်သို့ အပ်လိုက်ပြီး ဣသရေလ လူမျိုးတို့သည် ရှစ်နှစ်ကြာ သူ့လက်အောက်၌ ကျွန်ခံခဲ့ရသည် (သူကြီး ၃:၈)။ ထိုဘုရင်၏ ရက်စက်ကြမ်းကြုတ်သော အုပ်ချုပ်မှုအောက်တွင် ဣသရေလလူမျိုးတို့သည် “ထာဝရဘုရားထံသို့ အော်ဟစ်ခဲ့ကြပြီး”၊ “ဘုရားသခင်သည် သူတို့အတွက် ကယ်တင်သောသခင်အဖြစ် “ဘုရားသခင်၏ခွန်အား” ဟု အဓိပ္ပာယ်ရသောနာမည်ပိုင်ရှင် သြသံယေလကို ပေါ်ထွန်းစေတော်မူသည်…
ရုံးတစ်ရုံး၌ သန့်ရှင်းရေးလုပ်သားဖြစ်သူ လက်တီ(Letty)သည် အမြန့်တကာ အမြန်ဆုံးလမ်းလျှောက်သူအဖြစ် နာမည်ကြီးသည်။ ထိုသို့လျှောက်မှသာ လူများကို သူရှောင်နိုင်မည်ဖြစ်သည်။ သူမသည် ဆင်းရဲမှုဒဏ်ကြောင့် ထိခိုက်နာကျင်ရလျက်၊ ကိုယ်ကို နှိမ့်ချခြင်း၌လည်း အသားကျနေပြီဖြစ်၍ သူ့မျက်နှာတစ်ခြမ်းကို လက်ဖြင့် အလိုလိုကွယ်ကာ အခြားလူများကို ကျော်တက်သည်။ သူ့စကားအရ သူမသည် “သာမန် ချောမောပြီး ပညာတတ်သူများ”ကဲ့သို့ မဟုတ်ခြင်းကြောင့် သူမ၏ရှက်စိတ်က နက်နဲစွာကိန်းအောင်းနေသည်။ အလုပ်ခွင်မှ အမျိုးသမီးတစ်ဦးက သူမကို မိတ်ဖွဲ့ပေါင်းလာသောအခါ သူမ၏စိတ်ဒဏ်ရာမှာ စတင်သက်သာလာသည်။
နူနာစွဲသူတစ်ဦးသည်လည်း လက်တီ၏ရှက်စိတ်ထက် ပိုဆိုးဝါးစွာ ခံစားရလျက် ဘဝရှင်သန်ရသည်။ မောရှေ၏ပညတ်တရားအရ သူ့ရောဂါက သူ့ကို ရွံရှာဖွယ် ညစ်ညူးသူအဖြစ်သတ်မှတ်ကာ လူ့ဘောင်အသိုင်းအဝိုင်းမှ သူ့ကိုပစ်ပယ်စေသည်။ ထိုသူ၏အနာရောဂါက အပြင်ပန်းရုပ်ပိုင်းတွင် ဖြစ်ပေါ်သည်သာမက စိတ်နှင့် ဝိညာဥ်တွင်ပါ ဒဏ်ရာဖြစ်စေသည်။ ဤဒဏ်ရာများနှင့် နူနာစွဲသူသည် သခင်ခရစ်တော်အား “ကိုယ်တော် အလိုရှိလျှင် ကျွန်တော်ကို သန့်ရှင်းစေနိုင်တော်မူသည်ဟု တောင်းပန်လေ၏…
ဂျူလီယာသည် သူမကြောက်ရွံ့သည့်အခါတိုင်းဖတ်နိုင်ရန် ခင်ပွန်းဖြစ်သူပေးပို့သော “မင်းကို ချစ်တယ်။ မင်းကိုဘယ်တော့မှ ထားမသွားဘူး” ဟူသည့်စာသားကို သိမ်းထားသည်။ ကလေးဘဝက ဒုက္ခကြုံခဲ့ရခြင်းကြောင့် သူချစ်ရသူများက သူမအား စွန့်လွှတ်မှာကို စိုးကြောက်စိတ်ရှိခဲ့သည်။ ခင်ပွန်းဖြစ်သူထံမှ အာမခံချက်ကို မကြာခဏတောင်းဆိုတတ်ပြီး၊ အလုပ်မှ ပြန်လာမည့်ခင်ပွန်းကို စိတ်လှုပ်ရှားစွာ စောင့်နေတတ်သည်။
ဆုတောင်းခြင်းနှင့် တိုင်ပင်အကြံပြုခြင်းများက ဂျူလီယာ၏ကြောက်ရွံ့မှုကို နည်းမှန်လမ်းမှန် တုံ့ပြန်နိုင်အောင် ကူညီပေးခဲ့သည်။ “ခင်ပွန်းရဲ့နှစ်သက်ဖွယ် ကတိစကားတွေနဲ့ ကျွန်မရဲ့ကြောက်ရွံ့မှုကို ရင်ဆိုင်ပါတယ်။ သူရဲ့ ကတိက မှန်တယ်။ သူ့ကတိအတိုင်း သူပြုမူတယ်လို့ ကျွန်မထင်ပါတယ်”ဟု သူမက ဆိုသည်။
ယေရောဗောင်မင်း၌လည်း အခြေအမြစ်မရှိသော ကြောက်ရွံ့မှုများရှိခဲ့သည်။ ရှောလမုန်၏ ဖောက်ပြန်လွဲမှားမှုကြောင့် ဘုရားသခင်သည် ယေရောဗောင်အား “(ဒါဝိဒ်)၏သားလက်မှနိုင်ငံတော်ကိုနှုတ်၍ ဆယ်ခရိုင်ကို သင့်အား ငါပေးမည်”(၃ရာ ၁၁:၃၅)ဟု ကတိပြုပြီးဖြစ်သည်။ အကယ်၍ သူနာခံလျှင် “(သူ့အဖို့) ဣသရေလနိုင်ငံကို ပေးမည်” (:၃၈) ဟု…
ကျွန်မတို့မိသားစုသည် အဖေ့ကို ဆေးရုံမှအိမ်သို့ပြန်ခေါ်လာခဲ့သည်။ သူ့ရောဂါက ဆေးမတိုးတော့ပါ။ ရုတ်တရက် အိပ်ရာထဲလဲပြီး အစာပိုက်တပ်ရခြင်းကြောင့် ၂၄ နာရီ ကုသစောင့်ရှောက်မှုအတွက် ကျွန်မတို့ ချိန်ညှိလုပ်ဆောင်နေရသည်။ ကျွန်မမိခင်၏အစာအိမ်ရောဂါအတွက်လည်း စီစဉ်နေရပြီး၊ အလုပ်၌ နားပူနားဆာလုပ်နေသည့် ဖောက်သည်များကိုလည်း ဖြေရှင်းနေရသည်။ စိတ်ပင်ပန်းလျက် တစ်နေ့တွင် ရေချိုးခန်း၌ တစ်ယောက်တည်း ရှိနေပြီး “အဘဘုရား၊ ကျွန်မကို ကူညီပါ။ ကျေးဇူးပြုပြီး ဒီနေ့ရက်တွေကို ကျော်ဖြတ်နိုင်ဖို့ ခွန်အားပေးပါ”ဟု ဘုရားသခင်ထံ အော်ဟစ်မိသည်။
ဒါဝိဒ်လည်း အခက်အခဲများကြောင့် စိတ်ပင်ပန်းခဲ့ရသည် (ဆာ ၅၅:၂-၅)။ သူ၏သား အဘရှလုံက ခမည်းတော်ကို ပုန်ကန်ခဲ့သည်။ အရင်းနှီးဆုံးမိတ်ဆွေက သူ့ကိုသစ္စာဖောက်ခဲ့သည်။ ယေရုရှလင်တွင် ဖြစ်ပွားနေသည့် အကြမ်းဖက်မှုအတွက် အားကိုးရာမဲ့ကာ “ကြောက်ရွှံ့တုန်လှုပ်ခြင်းသို့ရောက်၍ အလွန် ထိတ်လန့်ခြင်း၌ မွန်းလျက်ရှိပါ၏” (:၅) ဒါဝိဒ်ပြောခဲ့သည်။
သို့သော် ဒါဝိဒ်သည် ဘုရားသခင်ကို ယုံကြည်ရန် ရွေးချယ်ခဲ့သည် (:၂၃)။…
“ကျွန်တော်တို့၏နိုင်ငံလုံးဆိုင်ရာ အသင်းတော်ခေါင်းဆောင်မှုညီလာခံ၌ ဆရာ့အား အဓိကဟောပြောသူအဖြစ် ဖိတ်ခေါ်၍ ရပါမည်လား” ဟု နာမည်ကြီးအဖွဲ့အစည်းမှ ဖိတ်ခေါ်ချက်ကို ဟိုစေး(Jose) ဖတ်ပြီးနောက်၊ “ကျေးဇူးပြုပြီး အဲဒီကိစ္စအတွက် ကျွန်တော်အရင်ဆုတောင်းပါရစေ”ဟု ပြန်ဖြေခဲ့သည်။ နောက်ပိုင်းတွင်၊ ထိုကမ်းလှမ်းမှုကို ငြင်းပယ်ခဲ့ပြီးနောက်၊ “ဘုရားသခင်က ကျွန်တော့်ကို သာသနာလုပ်ငန်းတစ်ခုမှာ စာတည်းအလုပ်လုပ်ဖို့ ခေါ်နေတယ်ဆိုတာ ကျွန်တော်သိတယ်။ ပြီးတော့ ဟောပြောတဲ့အလုပ်က အချိန်ယူပြင်ဆင်ရမယ်၊ အစွမ်းစိုက်ထုတ်ရမယ်လေ၊ ဘုရားသခင်လုပ်စေချင်တဲ့အရာကို လုပ်နိုင်ဖို့ ကျွန်တော်ငြင်းလိုက်တာ” ဟု မိတ်ဆွေတစ်ဦးကို ပြောပြခဲ့သည်။
‘ဘုရားသခင် ကျွန်တော့်ကို လုပ်စေချင်သည့်အရာ’ သည် ဟိုစေး၏ဦးစားပေးဖြစ်ပြီး၊ သူ၏ဆုံးဖြတ်ချက်ကို ခိုင်မာစေသည်။ သခင်ယေရှုလည်း ဘုရားသခင်၏ ရည်ရွယ်ချက်ကို သူ၏ဦးစားပေးအဖြစ် ထားရှိခဲ့သည်။ ကပေရနောင်မြို့၌ မကျန်းမာသူနှင့် နတ်ဆိုးစွဲနေသူရှိသမျှတို့ကို သက်သာစေတော်မူပြီးနောက် “နံနက်အချိန်၊ မိုးမလင်းမီ ယေရှုသည် တောအရပ်သို့ ထွက်ကြွ၍ ဆုတောင်းတော်မူ၏” (မာ ၁:၃၂-၃၅)။ တပည့်တော်များက ရောက်လာပြီး…